रौतहटमा थप दुई जनामा कोरोना संक्रमण पुष्टि

न्यूज ब्यूरो, जनकपुरधाम । रौतहटमा थप दुई जनामा कोरोना संक्रमण पुष्टि भएको छ ।

रौतहटका दुई जना पुरुषमा मंगलबार कोरोना संक्रमण पोजिटिभ देखिएको हो । रौतहटको बृन्दावन नगरपालिका र देवाही गोनाही नगरपालिकाका ती व्यक्तिको स्वाव परीक्षणका क्रममा संक्रमण पाइएको छ ।

संक्रमितहरुलाई वीरगञ्ज लैजाने तयारी भइरहेको जनाइएको छ । यसअघि रौतहटको इशनाथ नगरपालिकामा भेटिएका एक संक्रमित ठीक भएर वीरगञ्जबाट घर फर्किसकेका छन् ।

योसँगै नेपालमा कोरोना संक्रमितको संख्या ५४ पुगेको छ ।