विनापासका गाडी चल्न नदिन गृह मन्त्रालयको निर्देशन

न्यूज ब्यूरो, काठमाडौं । गृह मन्त्रालयले कोरोना भाइरस (कोभिड–१९) को संक्रमण फैलिन नदिन लगाएको लकडाउनमा कडाइ गर्न सुरक्षा निकाय र स्थानीय प्रशासनलाई परिपत्र गरेको छ ।

लकडाउन उल्लंघनका घटना बढ्दै गएपछि गृहले यस्तो परिपत्र जारी गरेको हो । लकडाउन खुकुलो भएको गुनासो बढेपछि गृह मन्त्रालयले सोमबार सुरक्षा निकाय र ७७ वटै जिल्लाका प्रशासन कार्यालयलाई परिपत्र गर्दै पासविनाका सवारी आवतजावतमा पूर्ण रुपमा रोक लगाउन निर्देशन दिएको छ ।

गृहको परिपत्रलगत्तै प्रहरीले लकडाउनमा कडाई गरेको छ ।