प्रदेश २ का आठै जिल्ला उच्च निगरानीमा

न्यूज ब्यूरो, जनकपुरधाम । सरकारले प्रदेश २ का आठै जिल्लालाई उच्च निगरानीमा राखेको छ ।

उदयपुरको एकै ठाउँमा २८ जना कोरोना संक्रमित फेला परेपछि सरकारले छिमेकी प्रदेश २ लाई उच्च निगरानीमा राखेको हो ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार २८ संक्रमित भेटिएका उदयपुरको भुल्के क्षेत्रसँगै २ नम्बर प्रदेशका आठै जिल्लामा विशेष सतर्कता अपनाइएको छ । उनले यसका लागि प्रदेशका २ का आठै जिल्लाका विभिन्न २७ स्थानमा १५ सयभन्दा बढी थ्रोट स्वाब संकलन गर्ने लक्ष्यका साथ टोली परिचालन भएको बताए ।

संकलित स्वाबमा कोरोना भाइरस छ कि छैन भनेर पीसीआर परीक्षण गरिने उनले बताए ।