सिरहामा राहत माग गर्दै नगरपालिकामा ढुंगामुढा

न्यूज ब्यूरो, सिरहा । सिरहामा राहत माग्दै स्थानीयले नगरपालिका कार्यालयमा ढुंगामुढा गरेका छन् ।

कोरोना भाइरसका कारण करिब महिना दिनदेखि ‘लकडाउन’ खेप्दै आएका सिरहाको सुखिपुर नगरपालिकाका गरिब, दलित, विपन्न तथा ज्याला मजदुरहरुले आइतबार नगरपालिका कार्यालयमा ढंगामुढा गरेका हुन् । नगरपालिकाले तथ्यांक संकलनमा पक्षपात गरेको र हालसम्म राहत वितरणसमेत नगरेको भन्दै स्थानीइहरुले ढुंगामुढामा उत्रेको एक स्थानीयले बताए ।

राहतको माग गर्दै कार्यालमा आएकाहरुलाई कर्मचारीले दुरव्र्यवहार गरेपछि ढुंगामुढा भएको बताइएको छ । ढुंगामुढाबाट केही कर्मचारीहरुलाई चोट पटक लागेको र कार्यालयका झ्यालका सिसाहरु फूटेको नगर प्रमुख रामऔतार यादवले बताए ।