मिथिला बिहारी नगरपालिकामा राहत वितरण सुरु

न्यूज ब्यूरो, धनुषा । धनुषाको मिथिला बिहारी नगरपालिकामा राहत वितरण कार्य सुरु गरिएको छ ।

लकडाउनबाट प्रभावित नागरिकलाई नगरपालिकाले राहत दिने कार्य सुरु गरेको हो । जस अन्तर्गत् आज वडा १ भुतहीमा २८८ घर परिवारलाई राहत वितरण गरिएको छ ।

राहत स्वरुप १५ किलो चामल, दाल ३ किलो, तेल १ लिटर, नुन १ किलो, नगद रु ५०० प्रदान गरिएको छ ।

लकडाउनमा गरिब, विपन्न तथा दैनिक ज्यालादारीमा निर्भर मजदुरहरु भोकभोकै रहेको अवस्थामा नगरपालिकाले राहत वितरण कार्य सुरु गरेको हो । नगरप्रमुख अनिल कुमार यादवले कोहि भोको नरहने गरी राहत वितरण गरिने बताए ।