जनकपुरमा पैसा छर्ने दुबै महिलाको कोरोना रिपोर्ट निगेटिभ

न्यूज ब्यूरो, जनकपुरधाम । जनकपुरमा पक्राउ परेकी दुबै महिलाको कोरोना रिपोर्ट निगेटिभ आएको छ ।

प्रादेशिक अस्पताल जनकपुरमा भएको परिक्षणमा पीसीआर रिपोर्ट निगेटिभ आएको हो । शनिवार पक्राउ परेकी ती महिलामध्ये एक जनाको आरडिटी परिक्षणमा पोजेटिभ रिपोर्ट आएपछि साँझ स्वाव संकलन गरी पीसीआर प्रविधिमार्फत परिक्षण गरिएको थियो ।

सामाजिक विकास मन्त्रालयले अपरान्ह ४ को मिडिया ब्रिफिंगमा उनीहरुको पीसीआर टेस्ट निगेटिभ देखिएको जानकारी गराएको हो । मन्त्रालयका प्रदेश सचिव रामप्रसाद घिमिरेले उनीहरुको रिपार्ट निगेटिभ आएको बताएका हुन् ।

यसअघि साढे तीन बजे घिमिरेले न्यूज ब्यरोसँग हालसम्म उनीहरुको पीसीआर रिपार्ट नआएको र अबेर साँझसम्म आउनसक्ने बताएका थिए ।