जनकपुरमा पैसा फाल्ने महिलाको रिपार्ट अबेर साँझसम्म आउनसक्ने

न्यूज ब्यूरो, जनकपुरधाम । जनकपुरमा पैसा फाल्ने दुई महिलाको पीसीआर रिपार्ट आज अबेर साँझसम्म आउन सक्ने भएको छ ।

शनिबार पक्राउ परेकी ती दुबै महिलाको हिजै आरडिटी टेस्ट गर्दा रिपार्ट पोजेटिभ आएको थियो । त्यसपछि उनीहरुको स्वाव संकलन गरि पीसीआर टेस्ट भइरहेको छ ।

आज अबेर साँझसम्म उनीहरुको रिपोर्ट आउनसक्ने सम्भावना रहेको प्रदेश २ का कोरोना रिपोर्ट सम्बन्धि आधिकारिक व्यक्ति रामप्रसाद घिमिरेले न्यूज ब्यूरोलाई जानकारी दिए । उनले भने, ‘ल्याबमा सहज भए आजै अबेर साँझसम्म रिपोर्ट आई सक्नुपर्छ ।’

पीसीआर रिपोर्ट नआउँदै सामाजिक सञ्जालमा आइसकेको भनेर कतिपयले पोष्ट गरेपछि उनले यसको खण्डन गरेका हुन् ।

(सर्वसाधारणमा थप त्रास सिर्जना नहोस् भनेर हामी कोरोना सम्बन्धि समाचारप्रति संवेदनशील छौं । सामाजिक सञ्जालमा रिपार्ट आइसकेको भनेर आएपछि हामीले साढे तीन बजेतिर प्रदेश २ को कोरोना रिपोर्ट सम्बन्धि आधिकारिक व्यक्ति रामप्रसाद घिमिरेसँग सम्पर्क गरेर पुष्टि गर्न खोज्यौं । उहाँले हालसम्म नआएको र अबेर साँझसम्म आउनसक्ने बताउनुभएपछि सोही आधारमा हामीले अबेर साँझसम्म रिपोर्ट आउनेसक्ने भनेर समाचार प्रकाशित गर्यौं । तर, प्रदेशको सामाजिक विकास मन्त्रालयको ४ बजेको मिडिया ब्रिफिंगमा भने उहाँले रिपोर्ट सार्वजनिक गर्नुभएको छ । ती दुबै महिलाको पीसीआर रिपोर्ट निगेटिभ आएको छ । - सम्पादक)