जनकपुरको जानकी टोल सिल, सबैको जाँच गरिने

न्यूज ब्यूरो, जनकपुरधाम । जनकपुरमा पक्राउ परेका पैसा फाल्ने महिलामा आरडिटी पोजेटिभ देखिएपछि उनीहरुको बस्ने क्षेत्रलाई सिल गर्ने निर्णय गरिएको छ ।

उनीहरुको रिपोर्ट पोजेटिभ देखिएलगत्तै बसेको जनकपुर उपमहानगरपालिका ७ को आपत्तकालीन बैठकले यस्तो निर्णय गरेको हो । उनीहरु बस्ने जानकी टोललाई आज (आइतबार) विहान ६ वजेदेखि सेनिटाइज गरि सिल गर्ने र र्यापीड जाँच तत्काल शुरु गर्ने निर्णय भएको वडाध्यक्ष जानकी राम साहले जनाए ।

जनकपुरमा पैसा फालेर फरार भएकी महिला हिजो पक्राउ परेकी थिइन् । पक्राउपछि प्रदेशिक अस्पतालमा गरिएको परीक्षणमा रिपोर्ट पोजेटिभ आएको हो ।

उनीहरुमा आरडिटी पोजेटिभ देखिएपछि जनकपुरमा त्रास छाएको छ ।