थप १ जनामा कोरोना पुष्टि, सँख्या ३१ पुग्यो !

न्यूज ब्यूरो, जनकपुरधाम । शुक्रबार मात्र एकै दिन १४ जना कोरोना सँक्रमण पुष्टि भएर ३० पुगेको नेपालमा आज (शनिबार) ३१ पुगेको छ ।

आज थप एक जनामा कोरोना सँक्रमणको पुष्टि भएको स्वास्थ्य तथा जनसँख्या मन्त्रालयले जनाएको छ । विहिबारसम्म १६ जना रहेकोमा शुक्रबार एकैदिन १४ जनामा सँक्रमण पुष्टि भएपछि ३० जना पुगेको थियो ।

शनिबार (आज) एक ६५ वर्षीय पुरुषमा भाइरसको संक्रमण देखिएको भन्दै अधिकारिक वेभसाइटमा सूचना अपडेट गरेको हो ।

नेपालमा आज साँझसम्म ८०१७ जनामा गरिएको परीक्षणमध्ये ३१ जनाको सँक्रमण पुष्टि भएको हो भने ७९८७ मा नदेखिएको हो । त्यसमध्ये ११७ जना आईसोलेशनमा राखिएको छ भने २ जना अस्पतालबाट निको भएर डिस्जार्च भएर घर फर्केका छन् । एक जना आजै डिस्चार्ज भएको हो ।

आज जनकपुरमा रयापिड टेस्टको परीक्षणको क्रममा जनकपुरमा समेत एक जनामा आरडिटीमा पोजिटिभ देखिएको हो भने पिसिआर अर्थात अन्तिम परिणाम आउन बाँकी छ ।

संक्रमितमध्ये तीन जना उपचारपछि डिस्चार्ज भइसकेका छन्। शुक्रबार एकैदिन १४ जना संक्रमित फेला परेका थिए।