नेपालमा एकैदिन थपिए १४ कोरोना संक्रमित, संक्रमितको संख्या ३० पुग्यो

न्यूज ब्यूरो, काठमाडौं । नेपालमा एकैदिन थप १४ जनामा कोरोना संक्रमण पुष्टि भएको छ ।

उदयपुरमा आज (शुक्रबार) मात्रै १२ जना र चितवनका २ जना गरी १४ जनामा कोरोना पुष्टि भएको स्वास्थ्य मन्त्रालयले जनाएको छ । उदयपुरका १२ संक्रमित एक मस्जिदमा बसेका थिए ।

उनीहरु मध्ये अधिकांश भारतीय हुन् । उदयपुरको केसले समुदायमा संक्रमित गराउँछ कि भन्ने डर देखाएको स्वास्थ्य मन्त्रालयका एक अधिकारीले बताए ।

चितवनबाट बिहीबार बेलुका ल्याइएको २ वटा स्वाबको रिपोर्ट पोजिटिभ देखिएको पनि स्वास्थ्य मन्त्रालयले जनाएको छ । एकैदिन १४ जनामा संक्रमण पुष्टि भएसँगै नेपालमा जोखिम थप बढेर गएको छ ।

यससँगै नेपालमा कोरोना संक्रमित संख्या ३० पुगेको छ ।