राहतमा राजनीति गर्ने जनप्रतिनीधिलाई समाजिक बहिष्कार गर्न माग

न्यूज ब्यूरो, महोत्तरी । कोभिड–१९ को संक्रमण फैलिन नदिन नेपाल सरकार द्वारा लगाइएका देशव्यापी लकडाउनमा राहतको नाममा राजनीति गर्नेलाई समाजिक बहिष्कार गर्नुपर्ने माग उठाइएको छ ।

महोत्तरीको बलबा नगरपालिकामा अहिलेसम्म गरिब, विपन्न, मजदुरलाई भनिएको राहत वितरण नभएको भन्दै जनप्रतिनीधिहरुसँग गुनासो पोखेका छन् ।

लकडाउनकै कारण दैनिक काम गरेर खाने मजदुर र विपन्न वर्ग अति प्रभावित बनेको बेला जनप्रतिनीधिहरुले राहतमा राजनीति गरेको भन्दै बष्हिकार गर्नुपर्ने धारणा राखेका छन् ।

महोत्तरीको बलबा नगरपालिका स्थित रहेको धमौरा युवा क्लबका अध्यक्ष रईस अन्सारीले महामारीको बेलामा गरिब, मजदुरसँग खेलवाड गर्नेलाई बहिष्कारको कुनै विकल्प नगरेको बताएका छन् ।

“मजदुर र विपन्न समुदायका लागि भन्दै प्रदेश सरकारले राहत स्वरुप जुन रकम बिभिन्न पालिकामा पठाएका छन त्यो रकम बलवा नगरपालिकामा अहिले सम्म बिपन्न परिवार एव लक्षित बर्ग सम्म नपुग्नु जनताको भोटलिएर जितेका जनप्रतिनिधिहरुले थप पीडा दिनु बाहेक अरु केही होईन । बरु सत्ताको दम्भ हो ।– अन्सारीले बताए।

लकडाउनले गर्दा गाउँका सबै पसल बन्द हुनु स्वभाविक रहेको बताउँदै लामो समयसम्म लकडाउन चलिरहदा सर्बसाधारण मात्र होईन धेरै जसो जनतालाई दैनिक उपभोग्य सामाग्री नभई नहुने भएकाले सामजिक दुरि कायम गर्नेगरी उचित मुल्यका साथ निश्चित गर्न माग जनप्रतिनिधिहरुसँग गरेका छन् ।

समय र निस्चित ठाउँको बन्दोबस्त गरि सहज प्रकृया बनाउनुपर्ने कार्य अहिलेसम्म नहुनु स्थानिय सरकार गम्भिर नरहेको अध्यक्ष अन्सारीले बताएका छन।

संकटको घडीमा जीवन रक्षाको लागि गरिने राहत वितरणमा अनावश्यक राजनीति नहोस र छिटोछरितो सेवाग्राहिलाई राहत पुर्याउन अध्यक्ष अन्सारीले अनुरोध समेत गरेका छन।

राहत वितरण गर्ने बेलामा पार्टीगत राजनीति भन्दा मानवतालाई प्राथमिकतामा राख्नुपर्ने कुरा उपर जोड दिएका छन।

कोरोना भाइरसको संक्रमण फैलन नदिन लकडाउन गर्ने सरकारको निर्णय स्वागतयोग्य भएपनि मजदुर र विपन्न वर्ग कोरोनाका कारण भन्दा पनि भोकले मर्न सक्ने परिस्थिति आउन सक्ने सम्भावनालाई स्थानिय सरकारलाई त्यतातर्फ ध्यान दिन आग्रह गर्दै विपन्न वर्गलाई सहयोग गरि सबैले बाँच्न पाउने हकको प्रत्याभूति गर्न अपिल समेत गरे।