महोत्तरीमा आगलागी हुँदा ट्रेक्टर, थ्रेसर जल्यो, १४ लाखबढीको क्षति

न्यूज ब्यूरो, महोत्तरी । महोत्तरीमा बुधबार मध्यरातमा आगलागी हुंदा १४ लाखभन्दा बढीको क्षति भएको छ ।

जिल्लाको लोहारपट्टी नगरपालिका–५ स्थित गुलाम रहशुल घरमा आगलागी भएको हो । ट्याक्टर र थ्रेसर राख्ने जस्ताको घरमा भएको आगलागीमा परेर ज १ त ७८६० नम्वरको ट्रेक्टर, थ्रेसर लगायतका सामान र सो राखिएको घर जलेर नस्ट भएको छ ।

आगलागीमा करिब १४ लाखभन्दा बढीको क्षति भएको हो । आगो लागेको ठाउँमा पेट्रोलको गन्ध आएको हुँदा कसैले नियतिबस आगो लगाएको हुंन सक्ने स्थानीयले आशंका गरेका छन् ।

घटनाको बिषयमा प्रहरीले अनुसन्धान गरिरहेको महोत्तरी प्रहरीले जनाएको छ ।