धनुषाः विदेशिएका युवाहरुद्धारा १ लाख बढीको राहत

न्यूज ब्यूरो, जनकपुरधाम । वैदेशिक रोजागरीको शिलशिलामा विदेशमा रहेका युवाहरुलाई आफ्ना गाउँमा गरिब, विपन्न र मजदुरहरुलाई राहत दिएको छ ।

वैदेशिक रोजगारीको क्रममा खाडी मुलुक रहँदै आएका युवाहरुले धनुषाको जनकनन्दिनी गाउँपालिका वडा नं. ३ मा महुवामा विपन्न परिवारहरुलाई राहत प्रदान गरेको छ ।

विदेशमा बसेर पनि गाउँको माया र गरिबको पीडामा स्थानीय सँजय पासवान, मँजय महतो, कक्सुदन महतो लगायतका युवाहरुले १ लाख ८ हजार रुपैयाँ राहतको लागि प्रदान गरेका हुन् ।

लकडाउनका कारण प्रभावित केही परिवारलाई वडाध्यक्ष सहित स्थानीय नागरिक समाज, अगुवा, युवा, विभिन्न पार्टीका प्रतिनीधिहरुको समन्वयमा राहत वितरण गरिएको स्थानीय तिर्थ मण्डलले जानकारी दिए ।

राहत वितरण जनकनन्दिनी गाउँपालिकाकी उपप्रमुख भारती कार्कीको विशेष रोहबरमा भएको जनाइएको छ । राहत वितरणपछि उपप्रमुख कार्कीले सहयोगीहरुलाई धन्यवाद दिँदै प्रशंसा गरेकी थिइन ।