प्रदेश २ मा ४१९ को आरडीटी टेस्ट, दुईजनामा पोजेटिभ

न्यूज ब्यूरो, जनकपुरधाम । प्रदेश २ मा हालसम्म ४ सयबढी शंकास्पद व्यक्तिको र्यापिड डाइग्नोस्टिक टेस्ट गरिएको छ ।

प्रदेशको आठै जिल्लाका ४१९ जनाको पछिल्लो दुई दिनमा आरडीटी टेस्ट गरिएको हो । जसमध्ये हालसम्म दुई व्यक्तिमा पोजेटिभ देखिएको समाजिक विकास मन्त्रालयले जनाएको छ ।

पोजेटिभ देखिएका दुबै जना सप्तरीका हुन् । र्यापिड टेस्टमा पोजेटिभ देखिएकाको परीक्षणका लागि प्रयोगशाला पठाइएको छ ।

सप्तरीमा ७८, सिरहामा ४७, धनुषामा ९, महोत्तरीमा २६, सर्लाहीमा ५७, रौतहटमा १ सय ६९, बारामा १० र पर्सामा ११ जनाको र्यापिड टेस्ट गरिएको सामाजिक विकास मन्त्रालयका सचिव रामप्रसाद घिमिरेले बताए ।