नेपालमा कोरोनाको थप २ सँक्रमित थपिए !

न्यूज ब्यूरो, जनकपुरधाम । विश्वभरि फैलिएको कोरोनाको महामारीको जोखिममा रहेको नेपालमा आज (मँगलबार) थप दुई सँक्रमित थपिएको छ ।

सोमबारसम्म नेपालभरिमा १४ जना सँक्रमित पुष्टि भएकोमा आज (मँगलबार) थप दुई जनामा पुष्टि भएपछि नेपालमा कोरोना सँक्रमितको सँख्या १६ पुगेको हो ।

सोमबार काठमान्डौंको पेप्सीकोला स्थित एक अपार्टमेन्टबाट एकै परिवारका ३ जनामा रयापिट टेस्ट पोजिटिभ आएपछि अस्पताल भर्ना गरिएको थियो ।

त्यहाँ स्थिति सनसिटी अपार्टमेन्टबाट अस्पताल भर्ना गरिएका ३ जनामध्ये दुई जनामा कोरोना भाइरस (कोभिड–१) को संक्रमण पुष्टि भएको छ ।

यता, रयापिड टेस्टमा पोजिटिभ देखिएको थप एक जनाको रिपोर्ट भने अहिले आइनसकेको छ उनको फाइनल रिपोर्ट आउन बाँकी छ ।

उनीहरु २८ दिनअघि बेलायतबाट फर्किएका थिए । सोमबार र्‍यापिड टेष्टका क्रममा एन्टीबडी पोजेभिट देखिएपछि पाटन अस्पताल भर्ना गरेर थ्रोट स्वाब संकलन गरिएको थियो ।

उनीहरु मध्ये दुई जना (छोरा र बुहारी) को रिपोर्ट आएको छ र, कोरोना संक्रमण पुष्टि भएको छ । बाँकी एक (आमा) को रिपोर्ट आउन बाँकी रहेको स्वास्थ्य तथा जनसंख्या मन्त्रालय स्रोतले जनाएको छ ।

सनसिटीमा पाँचवटा विल्डिङ छन् । अहिले कोरोना संक्रमण देखिएको परिवार ए बिल्डिङमा बस्दै आएका थिए ।

र्‍यापिड टेष्टमा उनीहरुको रिपोर्ट पोजेटिभ आएपछि अपार्टमेन्टलाई प्रहरीले शील गरेको छ । त्यहाँ रहेका मानिसहरुलाई बाहिर जान दिइएको छैन ।

उक्त अपार्टमेन्टमा बस्ने व्यक्तिहरूको परिक्षण आजैबाट सुरू गरिएको छ भने निजहरू संग संलग्नहरूको tracing सुरू भएको छ ।

मँगलबारसम्म जम्मा ५६९३ जनामा गरिएको टेस्टमा अहिलेसम्म १६ जनामा सँक्रमण पुष्टि गरिएको छ भने १०३ जना अहिले पनि आईशोलेसनमा राखिएको छ ।

अहिलेसम्म ५६७७ जनाको रिपोर्ट नेगेटिभ देखिएको हो भने १ जना सँक्रमणलाई जितेर निको भएका छन् ।