बिदेशबाट आएका सबैको परीक्षण गर्छौं : मेयर तामाङ

न्यूज ब्यूरो, सिन्धुपाल्चोक । सिन्धुपाल्चोकको चौतारा साँगाचोक गढी नगरपालिकाका मेयर आमान सिँह तामाँगले विदेशबाट आएका सबैको परीक्षण गर्ने तयारी गरेको बताउनुभएको छ ।

नयाँ र छरितो प्रविधिबाट कोरोना भाईरस (कोभिड १९) को परिक्षण सुरु गरिएको उहाँले बताउनुभयो ।

नगरपालिकाले कोरोना रोग पत्ता लगाउने द्रुत परिक्षण टेस्ट किटको प्रयोग गर्दै चौतारा साँगाचोक गढी नगरपालिका ६, पिपलडाँडा,गिदानेमा रहेको क्वारेन्टाइनमा रहेका ११ जना र मेलचौर स्थित क्वारेन्टाइनमा बसिरहेका ५ जनाको परिक्षण गरेको मेयर तामाँगले बताउनुभयो ।

परिक्षण गरिएका सबैजनाको रिपोर्ट नेगेटिभ आएको छ। बिदेश बाट आएका स्थानीयहरुको परिवारका सबै सदस्यहरुको परिक्षण चौतारा अस्पतालका मेडिकल अधिकृत निष्चल बोगटी र ल्याब टेक्निसियन अबनिश कुमार ठाकुरले गर्नुभएको थियो ।

बिदेशबाट यस नगरपालिकाको बिभिन्न स्थानमा आइ बसोबास गरिरहेका सबैको यसैगरी परिक्षण गरिने नगर प्रमुख तामाङले जानकारी दिनुभयो ।