वीरगञ्जमा कोरोना संक्रमित बसेका आसपासका क्षेत्र शिलबन्दी

न्यूज ब्यूरो, वीरगञ्ज । वीरगञ्जमा तीन जना भारतीयमा कोरोना संक्रमण पुष्टि भएपछि उनीहरु बसेको ठाउँलाई शिलबन्दी गरिने भएको छ ।

कोरोना संक्रमित बसेका वीरगञ्ज महानगरपालिका २ को छपकैया र आसपासको क्षेत्रलाई शिलबन्दी गर्ने निर्णय गरिएको हो । कोभिड–१९ को संक्रमण फैलनबाट रोक्न शिलबन्दी जरुरी देखिएकोले यस्तो निर्णय गरिएको जिल्ला सुरक्षा समितिले जनाएको छ ।

समितिको बैठकले छपकैया क्षेत्रका पूर्वतर्फ वडा नम्बर १६ र २, दक्षिणतर्फ वडा नम्बर २, पश्चिमतर्फ वडा १ तथा उत्तरतर्फ वडा नम्बर ३ का भागहरु समेत समेटिने गरी शिलबन्दी गर्ने निर्णय छ ।

त्यस्तै संक्रमितको प्रत्यक्ष सम्पर्कमा आएका व्यक्तिको पहिचान गरेर उनीहरुर्को यापिड टेष्ट किटमार्फत परीक्षण गर्ने निर्णय पनि बैठकले गरेको छ ।