विदेशमा कोरोनाबाट १४ नेपालीको मृत्यु, ७ सय जति संक्रमित

न्यूज ब्यूरो, काठमाडौं । कोरोना भाइरसको संक्रमणबाट विश्वका विभिन्न देशमा गरी १४ नेपालीको मृत्यु भएको छ ।

कोरोनाबाट बेलायतमा ८, अमेरिकामा ५, साउदीमा १ नेपालीको मृत्यु भएको हो । विभिन्न देशमा गरी ६ सय ७५ गैरआवासीय नेपाली कोरोनाबाट संक्रमित भएका छन् ।

अमेरिकामा मात्रै ५०० भन्दा बढी नेपाली संक्रमित भएका छन् भने बेलायतमा यस्ता नेपालीको संख्या सयभन्दा बढी भइसकेको बताइएको छ ।