नेपाललाई मोदीको बचन : 'कोरोनासँग जुध्न सहयोग जारी रहन्छ'

न्यूज ब्यूरो, जनकपुरधाम । विश्वभर महामारीको रुपमा फैलिएको कोरोना भाइरस (कोभिड १९) महाव्याधिसँग जुध्नका लागि भारतले नेपाललाई प्रदान गर्दै आइरहेका सहयोगहरु निरन्तर जारी राख्ने बचन दिएको छ ।

प्रधानमन्त्री केपी शर्मा ओलीले भारतीय समकक्षी प्रधानमन्त्री नरेन्द्र मोदीसँग शुक्रबार गरेको टेलिफोन वार्तामा भारतले उक्त वचनबद्धता प्रकट गरेको हो । मोदीले नेपाललाई औषधि लगायतका सबै सहयोगहरु गरिरहने बचन दिए ।

भारतले नेपालसँगको सीमाक्षेत्रको व्यापार पनि बिनाअवरोध सञ्चालन गर्ने कुराको सुनिश्चित गर्ने आश्वासन पनि दिएको छ ।