एनएमबी बैंकको सहयोगमा धनुषा चेम्बर अफ कमर्सले राहत दिए

न्यूज ब्यूरो, जनकपुरधाम । सरकारले गरेको लकडाउनका कारण जनजीवन प्रभावित भएको बेला धनुषा चेम्बर अफ कमर्सले राहत बाँडेको छ ।

जनकपुरको एनएमबी बैंकको सहयोगमा चेम्बर अफ कमर्सका वरिष्ठ उपाध्यक्ष सरोज कुमार मिश्रको पहलमा राहत समाग्री वितरण गरिएको हो ।

जनकपुरधाम उपमहानगरपालिका वडा नं. ४, वडा नं. १६, वडा नं. १९, वडा नं. २४ र वडा नं. २५ का ९१ घरधुरीलाई राहत दिएको हो ।

लकडाउनका कारण दैनिकीमा समस्या भएको भन्दै एनएमबी बैंकको सहयोगमा केही विपन्न परिवारलाई चामल, दाल, सब्जी, सोयाबिन, तेल सहितको राहत प्रदान गरिएको धनुषा चेम्बर अफ कमर्सका वरिष्ठ उपाध्यक्ष मिश्रले जानकारी दिए ।

एनएमबी बैंक प्रदेश नं. २ का निक्षेप प्रबन्धक मिथिलेश झाको विशेष पहल र सहयोगमा उक्त राहत समाग्री उपलब्ध गराइएको बताइएको छ ।

राहत पाएपछि विपन्न परिवारहरुमा हर्ष छाएको थियो । सरकारले आउँदो वर्षको बैशाख ३ गतेसम्म लकडाउनको घोषणा गरिएको छ भने परिस्थिति अनुसार लकडाउनको अवधि बढाउन घटना सकिने अवस्था रहेको छ ।