धनुषाधाम नगरपालिकामा विपन्नलाई घरघरमै राहत

न्यूज ब्यूरो, धनुषा । महामारीको रुपमा फैलिएको कोरोना भाइरस रोकथामका लागि गरिएको लकडाउनबाट प्रभावित नागरिकलाई धनुषाधाम नगरपालिकाले राहत वितरण गरेको छ ।

धनुषाधाम नगरपालिका ३ सिकयाहा लगायतका बस्तीमा मंगलबार राहत वितरण गरिएको हो । त्यस वडामा जम्मा ३३२ परिवारको लगत संकलन गरिएकामा मंगलबार १८० परिवारलाई राहत वितरण गरेको राजकिशोर साहले जनाए ।

राहत स्वरुप प्रतिघर १० किलो चामल, २ किलो दाल, २ किलो आलु, आधी किलो सोयाविन लगायतका खाद्यान्न सामाग्री दिइएको छ । बाँकी रहेकालाई वितरण कार्य जारी रहेको प्रमुख प्रशासकीय अधिकृत गणेशराज कार्कीले जानकारी दिए ।

उनले नगरका कुनै पनि विपन्न नागरिकलाई भोकै रहन नपर्ने गरी राहत विरतणको काम गरिरहेको बताए ।