गणेशमान चारनाथमा नागरिकलाई खाद्यान्न

न्यूज ब्यूरो, धनुषा । धनुषाको गणेशमान चारनाथ नगरपालिकामा राहत वितरण गरिएको छ ।

कोरोना भाइरस रोकथामका लागि सरकारले गरेको लकडाउनबाट प्रभावित नगरका गरिब, विपन्नलाई राहत वितरण गरिएको हो । सोमबार वडा नम्बर ६, ८, ९ र १० मा राहत वितरण गरिएको छ ।

ज्याला मजदुरी गरी जीवनयापन गर्ने तथा लकडाउनबाट प्रभावित बनेकालाई पहिचान गरि खाद्यान्न दिइएको नगरप्रमुख रामबाबु यादवले जानकारी दिए ।

राहत वितरण कार्यमा नगरप्रमुख सहित उपप्रमुख मिना यादव, नगरका कर्मचारीसहितको सक्रियता थियो ।