सहिदनगरमा सेट नेपालद्धारा 'पीपीई' सहयोग

न्यूज ब्यूरो, धनुषा । धनुषाको सहिदनगर नगरपालिकामा सेट नेपालले शंकास्पद विरामीको उपचारमा संलग्न चिकित्सकले लगाउने पीपीईसहित अन्य स्वास्थ्य सामाग्री सहयोग गरेको छ ।

सेट नेपालले आज (शनिबार) सहिदनगरमै पुगेर व्यक्तिगत सुरक्षा सामाग्री पीपीईसहितका स्वास्थ्य सामाग्रीहरु नगरप्रमुख उदय बरिबरियालाई हस्तान्तरण गरेको हो ।

नगरप्रमुख बरबरियाको अपिल स्वीकार्दै सेट नेपालका अध्यक्ष अमित साहले कार्यालयमै पुगेर ७ थान पीपीई, सेनिटाइजरसहितका सामाग्रीहरु मेयर बरबरियालाई हस्तान्तरण गरेका हुन् । उक्त सामाग्री नगरपालिकाद्धारा सञ्चालित नगर स्तरीय क्वारेन्टाइन कक्षमा खट्ने स्वास्थ्यकर्मीलाई प्रदान गरिनेछ ।

स्वास्थ्य सामाग्री बुझ्दै मेयर बरिबरियाले सेट नेपालप्रति आभार ज्ञापन गरे । नगरप्रमुख बरबरियाले कोरोनाविरुद्ध आवश्यक तयारीका साथ कम्मर कसेर लागेको बताए ।