धनुषामा मोटरसाइकल दुर्घटनामा परी एक युवकको मृत्यु

न्यूज ब्यूरो, धनुषा । धनुषामा मोटरसाइकल दुर्घटनामा परी एक युवकको मृत्यु भएको छ ।

धनुषाको मिथिला नगरपालिका ६ मगरटोलस्थित सडक छेउको बिजुली पोलमा मोटरसाइकल अनियन्त्रित भई दुर्घटना भएको हो । दुर्घटनामा परी मोटरसाइकल चालक २६ वर्षीय अजयकुमार मण्डलको ज्यान गएको प्रहरीले जनाएको छ ।

अजयले चलाएको प्रदेश २(०२(००२ प १६५७ नम्बरको मोटरसाइकल अनियन्त्रित भइ विद्युतको पोलमा ठोक्किँदा उनी गम्भीर घाइते भएका थिए । उनको प्रादेशिक अस्पताल जनकपुरमा उपचारको क्रममा मृत्यु भएको जिल्ला प्रहरी कार्यालय धनुषाले जनाएको छ ।