'नेपालमा कोरोनाको सँक्रमित ७ पुग्यो' बारे अधिकारिक जानकारी छैन : मन्त्रालय

न्यूज ब्यूरो, जनकपुरधाम । नेपालमा कोरोना भाइरस सँक्रमितको सँख्या ७ पुगेको समाचार केही मिडियाहरु आएको छ ।

सो सम्बन्धमा गण्डकी प्रदेशका समाजिक विकास मन्त्रालयले अधिकारिक जानकारी नभएको प्रतिक्रिया दिएको छ ।

गण्डकी प्रदेशको एक व्यक्तिमा कोरोना पोजिटिभ देखिएको समाचारहरु आउँदा न्यूज ब्यूरोको जिज्ञासामा प्रदेशको समाजिक विकास मन्त्रालयका प्रवक्ता तेज प्रसाद काफ्ले समेत अधिकारिक जानकारी नभएको बताउनुभयो ।

कोभिड–१९ उपर निगरानी गर्ने समाजिक विकास मन्त्रालयको तर्फबाट डा. राम बहादुर केसीले कास्कीको एक व्यक्तिमा कोरोनो पोजिटिभ फेला परेको बारे कुनै अधिकारिक जानकारी नभएको प्रतिक्रिया दिनुभयो ।

पोखरा स्वास्थ्य विज्ञान प्रतिष्ठानले गरेको परीक्षणमा कोरोनाको संक्रमण पोजेटिभ देखिएको गण्डकी प्रदेश सरकारलाई उदृत गर्दै केही सँचारमाध्यमहरुले समाचार प्रकाशित गरेको छ ।

विहिबार शंकास्पद एक व्यक्तिको स्याम्पल परीक्षणको लागि काठमान्डौं पठाइएको जनाउँदै मन्त्रालयका प्रवक्त काफलेले अहिलेसम्म त्यसको रिपोर्ट नआएको बताउनुभयो ।

विहिबार नै एक व्यक्तिको स्याम्पल पठाएको छौ, म त अहिले विदामा छु, डाक्टर राम बहादुर केसी ज्यूसँग सोध्नुस, तर मसँग अहिले अधिकारीक जानकारी आएको छैन ।– उहाँले भन्नुभयो ।

प्रवक्ता काफ्लेका अनुसार, यसबारे थप जानकारी लिरहेको बताउनुभयो । सरकारी तथ्याँक अनुसार नेपालमा विहिबारसम्म कोरोना सँक्रमतिको सँख्या ६ पुगेको छ । १ हजार १ ८४ मा गरिएको परीक्षणबाट ६ जनामा पोजिटिभ देखिएको हो ।

नेपाल सरकारको स्वास्थ्य तथा जनसँख्या मन्त्रालयको अधिकारिक वेभसाईटमा पनि सँक्रमितको सँख्या शुक्रबार (आज) दिउँसो ३ बजेसम्म ६ जना मात्र देखाएको हो ।

त्यही कोरोना भाइरस सम्बन्धी वल्ड मिटर वेभसाईटमा भने आजको लागि १ जना थप सँक्रमित भेटाएको अपडेट गरेको छ । हिजो मात्र एक जना थप भएको थियो ।

नेपाल सरकारको तर्फबाट यसको अधिकारिक पुष्टि हुन बाँकी छ । आज पुष्टि भए नेपालमा कोरोना सँक्रमितको सँख्या ७ पुग्ने छ ।

त्यसमा १ जना पूर्णत निको भएको हो भने अझै ५ जना उपचाररत छन् ।