धनुषा : कोरोनाबारे सचेतना दिँदै निःशुल्क मास्क वितरण

न्यूज ब्यूरो, धनुषा । विश्वभर महामारीको रुपमा फैलिएको कोरोना भाइरस (कोभिड–१९) बाट जोगिन धनुषाधाम नगरपालिकाका युवाहरुले मास्क विरतण गरेका छन् ।

धनुषाधाम नगरपालिका ६ हरिपुरका युवाहरुले वडाभरी मास्क बाँडेका हुन् । स्थानीय युवाहरुको एक समूहले रकम जुटाएर वडाका सर्वसाधारणलाई मास्क वितरण गरेको हो ।

करिब ८ सय घरधुरी रहेको सो वडामा अहिलेसम्म पनि मास्क नकिनेका व्यक्तिहरुलाई मास्क बाँडेको युवा मोखतार हुसैनले जानकारी दिए । विश्वभर नै कोरोना भाइरस फैलिएर मनोवैज्ञानिक त्रास बढेका बेला स्वास्थ्य प्रति सचेत रहन समेत उनीहरुले सबैलाई सचेत गराएका छन् ।

मास्कका लागि स्थानीय युवा मोखतार हुसैन, सुबन यादव, राकेश दास, ओपेन्द्र दास, धर्मनाथ महतो, सत्यनारायण यादव, अमिरुल राइन, अरविन्द दास, रामबिनय दास लगायतका युवाले रकम जुटाएका थिए ।