प्रदेश २ः राहत वितरणमा झडप, १५ जना अस्पतालमा !

न्यूज ब्यूरो, वीरगँज । लकडाउनमा गरिब, विपन्नहरुलाई राहत बाँडने क्रममा भएको झडपमा परी १५ जना घाईते भएका छन् ।

आज (बुधबार) बीरगन्ज महानगपालिका वडा नम्बर १९ विन्दबास्नीमा राहत वितरणलाई लिएर दुई पक्ष बिच झडप भएको हो ।

उपेन्द्र यादव पक्ष र प्रभु यादव पक्ष बीच झडपमा करिब १५ जान घाइते भएका छन् । उपेन्द्र पक्षको २ जना र प्रभु यादव पक्षको १३ जना घाइतेहरुको अहिले नारायणी अस्पतालमा उपचार भईरहेको छ।

बीरगन्जमहानगरपालिका वडा नम्बर १९ बिन्दबास्नीमा टोलमा ७०० विपन्न परिवारलाई राहत बाँडने कार्यक्रम तय भएको थियो ।

सोही अनुरुप बर्वाटोलमा २०० जनालाई राहत दिने सहमति भएकोमा १० जना थप भएपछि विवाद सुरु भएको थियो ।

सन्तोष तिवारीको अध्यक्षतामा राहत वितरण कार्यक्रम तय भएको थियो ।