वडावासीलाई वडाध्यक्षद्धारा मास्क र डिटोल साबुन वितरण

न्यूज ब्यूरो, जनकपुरधाम । कोरोना भाइरसको सँक्रमणबाट बच्नको लागि वडावासीमा वडाध्यक्षले मास्क र साबुन वितरण गर्नुभएको छ ।

धनुषाको सबैला नगरपालिका वडा नं. ५ का वडाध्यक्ष देवेन्द्र प्रसाद यादवले वडावासीमा २००० मास्क र २००० डिटोल साबुन वितरण गर्नुभएको हो ।

लकडाउनका बेला घरबाट बाहिर ननिस्कन आग्रह गर्दै घर घरमा पुगेर वडाध्यक्ष र वडा सचिवको टोली मास्क र साबुन वितरण गरिएको जनाइएको छ ।

सबैला नपा ५ मखनाहाको साबि वडा नं. १,२ र ३ का वडावासीमा मास्क वितरण गरिएको हो । विहानैदेखि मास्क तथा साबुन वितरण कार्यक्रम राखिएको बताउँदै साँझ सम्म २००० मास्क वितरण गरिने जनाइएको छ ।

एक परिवारमा ५ भन्दा बढी सदस्य भएको खण्डमा पनि ५ वटा मास्क र २ वटा साबुन प्रत्येक परिवारलाई वितरण गरिररहेको वडा सचिव सँजीव कुमार यादवले जानकारी दिनुभयो ।

वडाध्यक्ष देबेन्द्र प्रसाद यादव, सदस्यहरु प्रदीप यादव किशोरी राइन, ईन्द्रादेवी खत्वेनी, राज कुमार यादव लगायतको टोलीले मास्क वितरण गरिरहेका छन् ।