मिथिला नगरपालिकामा वडाध्यक्षले बाँडे मास्क र साबुन

न्यूज ब्यूरो, धनुषा । विश्वभर महामारीको रुपमा फैलिँदै गएको कोरोना भाइरस (कोभिड १९) बाट बच्न मिथिला नगरपालिकामा सर्वसाधारणलाई मास्क र साबुन वितरण गरिएको छ ।

मिथिला नगरपालिका ८ को विभिन्न बस्तीमा सर्वसाधारणलाई सचेतना स्वरुप मास्क र साबुन वितरण गरिएको हो । वडाभरीमा रहेको झण्डै १५ सय घरधुरीमा सो सामाग्री वितरण गरेको वडाध्यक्ष देवनारायण महतोले जानकारी दिए ।

आफ्ना जनतालाई सुरक्षित रहन वडाका हरेक नागरिकलाई नछुटाई मास्क र साबुन प्रदान गरेको उनले बताए । उनले आफ्ना वडाबासीलाई सुरक्षित भएर बस्न आग्रहसमेत गरेका छन् ।

वडाध्यक्ष महतोले वडाभित्रका गरिब तथा विपन्नलाई चाँडै खाद्यान्न पनि उपलब्ध गराउने योजनामा रहेको बताए ।