लकडाउन : जनकपुरमा घरमै 'चैत्ते छठ' को सँध्या अर्घ !

न्यूज ब्यूरो, जनकपुरधाम । मधेश–मिथिलामा मनाइने उत्साह र आस्थाको पर्व चैत्ते छठ लकडाउनका कारण घरमै सँध्या अर्घ दिइएको छ ।

सरकारले गत मँगलबारदेखि लागू गरेको लकडाउनको कारण व्रतालु महिलाहरु घरको छाना (छत) मै छठ पर्वको सँध्या अर्घ दिएकी हुन् । आस्था र उल्लासको पर्व मानिएको चैत्ते छठ पनि सरोवर, ताल, पोखरी नदीमा मनाउँदै आएकोमा लकडाउनका कारण घरमै मनाउन सुरु गरिएको हो ।

अर्ध धुमधामका साथ चैत्ते दशै मनाएका जनकपुरवासीहरुले चैत्ते छठको लागि भने पोखरी, सरोवर जान पाएका छ्रैनन् । कोरोना भाइरसको सँक्रमणबाट जोगाउन सरकारले लागू गरेको दुई हप्ते लकडाउनका कारण घरमै छठ पर्व मनाउन बाध्यता भएको छ ।

व्रतालु महिलाहरुले आज अपरान्ह घरको छाना (छत) मै केही पानी राखेर सँध्या अर्घ दिएकी हुन् । व्रतालु महिलाहरुले कार्तिक मँसिरमा मनाइने छठ जस्तै चैत्ते छठको विधिहरु गरेकी हुन् ।

भोली (मँगलबार) विहान उदाउँदो सूर्यको अर्घ दिएर चैत्ते छठ सम्पन्न हुनेछ । पोखरीमा सामुहिक रुपमा छठ मनाउने प्रचलन भएपनि लकडाउनका कारण आ–आफनो दैलो, छतमा पूजा समाग्री राखेर छठको सँख्या अर्घ दिएको हो ।

मँगलबार विहान उदाउँदो सूर्यको अर्घ दिएर विधिवत रुपमा चैत्ते छठ सम्पन्न हुनेछ । छठलाई मधेश मिथिलामा महान आस्थाको पर्वको रुपमा धुमधामका साथ मनाइन्छ ।