जनकपुरको 'लकडाउन' फित्तलो

न्यूज ब्यूरो, जनकपुरधाम । सरकारले आगामी २६ गतेसम्मको लागि लगाएको लकडाउन जनकपुरमा फित्तलो देखिएको छ ।

चोकहरुमा सुरक्षाकर्मीको उपस्थिति न्यून देखिएको छ भने सर्वसाधारणहरु निर्वाध रुपमा आवागमन गरेको देखियो । आज (सोमबार) विहान करिब १० बजेको समयमा जनकपुरको विभिन्न चोक भएर सर्वसाधारणहरुको आवतजावत निर्वाध देखियो ।

अन्य दिनको तुलनामा आज लकडाउन भने ढिलो भएको देखिएको छ । कोरोना भाइरसको सँक्रमणबाट देशवासीलाई जोगाउनको लागि नेपाल सरकारले लगाएको लकडाउनप्रति नागरिक आफै सचेत नभएको देखिएको छ ।

आफ्नो ज्यानको बाजी लगाएर फिल्डमा खटेका सुरक्षाकर्मीहरु न्यून उपस्थितिलाई मौका छोपेर सरकारको आदेशको अवज्ञा गरेको देखिएको छ । जनकपुरको कदचोक, कपिलेश्वर बाटोमा निर्वाध आवतजावत देखिएको छ ।

सुरक्षाकर्मीहरु आम नागरिककै स्वास्थ्यको लागि खटेको भनेर सचेतना अझै नपलाएको कारण लकडाउनलाई सर्वसाधारणहरु तोडने गरेको छ । सरकारले जसरी पनि घरमै बस्न आग्रह गरेको छ ।