प्रदेश २ : विभिन्न गाउँको सडक निगरानीमा युवा

न्यूज ब्यूरो, जनकपुरधाम । कोरोना भाइरस संक्रमण फैलिन नदिन सरकारले लागु गरेको लकडाउनको उल्लंघन बढेपछि प्रदेश २ को विभिन्न जिल्लामा प्रवेश रोक लगाइएको छ ।

प्रदेश २ को विभिन्न गाउँमा स्थानीयहरुले सडकमा प्रवेश रोक लगाएका हुन् । कोरोना भाइरस (कोभिड–१९) संक्रमणको जोखिम रोक्न विभिन्न गाउँका युवाहरुले सडकमै बार लगाएर आवागमन रोकेका हुन् ।

नेपालमा समेत कोरोना भाइरसको जोखिम बढ्दै गएपछि सरकारले नागरिककै सुरक्षाको लागि लकडाउन गरेपनि ग्रमिण क्षेत्रमा आउजाउ रोकिएको छैन । जनचेतनाको अभावमा सर्वसाधारण यताउता गर्न छाडेका छैनन् ।