धनुषा : वडाध्यक्षले जनतालाई खोजीखोजी मास्क बाँडे

न्यूज ब्यूरो, धनुषा । विश्वभर महामारीको रुपमा फैलिँदै गएको कोरोना भाइरस (कोभिड १९) बाट बच्न धनुषाको क्षिरेश्वरनाथ नगरपालिकामा मास्क वितरण गरिएको छ ।

क्षिरेश्वरनाथ नगरपालिका वडा ८ मा सर्वसाधारणको घरमै पुगी वडाध्यक्ष अशेश्वर महतोले मास्क बाँडेका हुन् । आफ्ना जनतालाई सुरक्षित रहन वडाका हरेक नागरिकलाई मास्क प्रदान गरेको उनले बताए ।

उनले आफ्ना वडाबासीलाई सुरक्षित भएर बस्न आग्रहसमेत गरेका छन् । यस्तै, उनले कसैलाई केही स्वास्थ्यमा आशंका देखिए आफूलाई तत्कालै खबर गर्न आग्रह गरे ।

आफ्नो वडामा कुनै त्यस्तो शंकास्पद व्यक्ति देखिए तत्कालै जाँच गरिने व्यवस्था मिलाएको उनले जनाए ।