प्रदेश २ : एकसय ५१ जना क्वारेन्टाइनमा

न्यूज ब्यूरो, जनकपुरधाम । विश्वभर त्राहिमाम मचाएको कोरोना भाइरस (कोभिड १९) संक्रमणको आशंकामा प्रदेश २ मा झण्डै डेढसय व्यक्तिलाई क्वारेन्टाइनमा राखिएको छ ।

प्रदेश २ का आठ मध्ये विभिन्न सात जिल्लामा एकसय ५१ जनालाई क्वारेन्टाइनमा राखिएको हो । प्रदेश स्वास्थ्य निर्देशनालयले दिएको जानकारी अनुसार, सप्तरीमा ९५ जनालाई क्वारेन्टाइनमा राखिएको छ । प्रदेश २ मै सप्तरीमा सबैभन्दा बढी क्वारेन्टाइनमा छन् ।

यस्तै, यसपछि सबैभन्दा बढी रौतहटमा क्वारेन्टाइनमा राखिएको छ । रौतहटका २८ जनालाई क्वारेन्टाइनमा राखिएको स्वास्थ्य निर्देशनालयका सहनिर्देशक विजय झाले बताए । उनका अनुसार सिरहामा १९ जनालाई, पर्सामा ५ जनालाई तथा सर्लाही र बारामा २र२ जनालाई क्वारेन्टाइनमा राखिएको छ ।

धनुषामा यसअघि एक जनालाई क्वारेन्टाइनमा राखिएपनि उनलाई घरकै क्वारेन्टाइनमा पठाइएको छ । सहनिर्देशक झाले ती व्यक्तिमा त्यस्तो कुनै लक्षण नदेखिएपछि होम क्वारेन्टाइनमा पठाइएको बताए ।

खासगरी भारतसहित अन्य देशबाट आएकाहरुलाई क्वारेन्टाइनमा राखिएको झाले बताए । उनीहरुलाई १४ दिनसम्म क्वारेन्टाइनमा राखिनेछ । महोत्तरीमा भने हालसम्म एकजना पनि शंकास्पद नदेखिएको स्वास्थ्य निर्देशनालयले जनाएको छ ।