फ्रान्सबाट काठमाडौं आएकी युवतिमा कोरोना

न्यूज ब्यूरो, काठमाडौं । नेपालमा एकजनामा कोरोना भाइरस संक्रमण भेटिएको छ ।

स्वास्थ्य तथा जनसंख्या मन्त्रालयले पत्रकार सम्मेलन गरी नेपालमा एक व्यक्तिलाई कोरोनाभाइरस संक्रमण भएको पुष्टि भएको जनाएको छ ।

उनी फ्रान्सबाट कतार हुँदै नेपाल फर्किएकी १९ वर्षीया युवती भएको मन्त्रायलले बताएको छ । उनको अहिले टेकुस्थित शुक्रराज ट्रपिकल तथा सरूवा रोग अस्पतालमा उपचार भइरहेको छ ।

केही साताअघि चीनको वुहानबाट फर्किएका एक व्यक्तिमा पनि संक्रमण भएको देखिएको थियो । तर, उनी उपचारपछि निको भएर घर फर्किसकेका छन् ।