नेपालमा पनि 'जनता कर्फ्यु'को तयारी

न्यूज ब्यूरो, काठमाडौं । विश्वभर महामारीको रुपमा फैलिएको कोरोना भाइरसको संभावित संक्रमण रोकथामका लागि नेपाल सरकारले जनता कर्फ्यू लगाउने तयारीबारे छलफल गरेको छ ।

सरकारको आइतबार साँझ बसेको मन्त्रीपरिषद् बैठकले जनता कर्फ्यू लगाउने विषयमा पनि छलफल भएको हो । जनता कफ्र्यू लगाउनका लागि नै भारत र चीनको सीमा नाकाबन्दीको अभ्यास गरेको छ ।

नाकाबन्दीबाट जोखिमलाई नियन्त्रण गर्दै पछि जनता कफ्र्यु लगाउने तयारी भइरहेको एकजना मन्त्रीले जानकारी दिए । सरकारले कोरोना संक्रमण भित्रिन नदिन सरकारले गरिरहेको प्रयासमा सबैलाई साथ दिन आह्वानसमेत गरेको छ ।

यसअघि हिजो आइतबार मात्रै भारत सरकारले भारतमा जनता कर्फ्यू लगाएको थियो ।