प्रदेश २ नामाकरण : मधेश प्रदेश पनि अस्वीकृत, पुगेन १२ मत

न्यूज ब्यूरो, जनकपुरधाम । प्रदेश २ को सम्भावित नाम भनिएको मधेश प्रदेश पनि अस्वीकृत भएको छ ।

प्रदेशसभामा आज भएको मतदानमा मधेश प्रदेशको पक्षमा ६० मत मात्रै खसेको हो । नाम टुंगो लगाउन १२ मत अपुग भएपछि मधेश प्रदेशको प्रस्ताव अस्वीकृत भएको छ ।

प्रदेश २ को लागि जम्मा चार नाम प्रस्ताव गरिएकामा तीन नाम यसअघि अस्वीकृत भइसकेको थियो । अन्त्यमा भएको मधेश प्रदेशको लागि मतदानमा आवश्यक मत नपुग्दा प्रदेशको नामाकरणको विषय अझै टुंगो लाग्न सकेन ।