प्रदेश २ : तीन नाम अस्वीकृत, मधेशमा मतदान जारी, के होला तय ?

न्यूज ब्यूरो, जनकपुरधाम । प्रदेश नम्बर दुईको नामका लागि प्रस्तावित चार नाममध्ये तीनवटा प्रस्ताव अस्वीकृत भएका छन् ।

नेकपाले प्रस्ताव गरेको जानकी प्रदेश, नेपाल कांग्रेसले प्रस्ताव गरेको मिथिला भोजपुरा र केही सांसदले प्रस्ताव गरेको मध्य मधेश कम मत पाएका कारण अस्वीकृत भएको हो ।

नेकपाको प्रस्तावमा ३७, कांग्रेसको प्रस्तावमा २८ तथा मध्य मधेशमा ४२ मत परेपछि सो प्रस्तावहरु अस्वीकृत भएका छन् । प्रदेशको नाम र राजधानी टुंगो लगाउन दुई तिहाई बहुमत अर्थात् ७२ मत चाहिन्छ ।

प्रदेश २ मा जम्मा एकसय ७ सांसद छन् । बहुमत प्रदेश २ मा कुनै पार्टीसँग छैन । यद्यपि क्रश भोटिंग भए मधेश प्रदेश हुने सम्भावना देखिएको छ ।

मधेश प्रदेशमा हाल मतदान जारी रहेको छ । प्रदेशको राजधानीको लागि जनकपुरधाममा सहमति भइसकेपनि नाम भने परिणामपछि तय हुनेछ । हामी निरन्तर अपडेटमा छौं ।