दुःखद : एकाविहानै जनकपुरमा थप एक युवकको मृत्यू

न्यूज ब्यूरो, जनकपुरधाम । खुल्ला रक्सी सेवनका कारण एकै टोलका ३ जनाको मृत्यू भएकै ठाउँमा पुनः एक युवकको मृत्यू भएको छ ।

होलीमा खुल्ला मदिरा सेवनकै कारण जनकपुरधाम उपमहानगरपालिका वडा नं. ७ भ्रमरपुरा चोक नजिक मुसहरी टोलका ३ जनाको मृत्यू भएको थियो ।

सोही ठाउँमा गएराती स्थानीय राजकुमार सदाका २४ बर्षिय जीतेन्द्र सदाको मृत्यू भएको हो । हिजो नै ३ जनाको मृत्यू भएको ठाउँमा थप एक जनाको मृत्यूले टोल त्रासमा छन् ।

होली पर्वमा खुल्ला रक्सी सेवनका कारण धनुषाको रमदैयामा मात्र ६ जनाको मृत्यू भएको थियो भने शनिबार ३ जनाको जनकपुरमा गरी ९ जनाको मृत्यू भएको पुष्टि भएको हो ।

आज विहानै करिब ४ बजेतर्फ जीतेन्द्र सदाको पनि मृत्यू भएको वडाध्यक्ष जानकीराम साहले बताउनुभयो ।

घटनास्थलमा पुगेको न्यूज ब्यूरोका सँवाददातासँग मुसहर समुदायहरुले भूईया बाबाको रिसाएको भन्दै आफूहरुलाई मार्न लागेको प्रतिक्रिया दिएका छन् ।

अन्धविश्वासमा परी सिकिस्त भएकाहरुलाई समेत अस्पताल भर्ना भन्दा पनि झाँक्री बोलाएको कारण ज्यान जाने गरेको बताइएको छ ।

यसै गरी एकै टोलमा पुनः एक साथ ४ जनाको मृत्यू भएको छ । यो घटनाहरु भएपछि धनुषा प्रहरी हलचलमा आएको छ भने कैयौं भठ्ठी तोडफोड गरेको छ ।