७० करोड प्रकरणका पूर्वमन्त्री बाँस्कोटाको घरमा बम विस्फोट !

न्यूज ब्यूरो, काठमान्डौं । ७० करोड रुपैयाँ बार्गेनिँग काण्डमा मुछिएका पूर्व सूचना तथा सँचार मन्त्री गोकुल बाँस्कोटाको घरमा बम विस्फोट भएको खवर प्राप्त भएको छ ।

सेक्युरिटी प्रिन्टिङ प्रेस खरिदमा एक विचौलियासँगको अडियो सम्वाद बाहिर आएपछि राजीनामा दिएका बाँस्कोटको घरमा बम विस्फोट भएको हो ।

बाँस्कोटाले फागुन ८ गते मन्त्रीबाट राजीनामा दिएका थिए। भक्तपुरको लोकन्थली स्थित निर्माणधिन अवस्थामै रहेको उनको घरमा आजै (बुधबार) विहानै बम विस्फोट भएको विभिन्न सँचारमाध्यमहरुमा समाचार प्रकाशित भएको छ ।

प्रहरीले दिएको जानकारी अनुसार बाँस्कोटाको घरको कम्पाउन्डमा प्रेसर कुकर बम विस्फोट गराइएको छ।

महानगरीय प्रहरी कार्यालय रानीपोखरीका एसएसपी श्याम ज्ञवालीले बम विस्फोट भएको पुष्टि गर्दै थप अनुसन्धान जारी रहेको बताउनुभयो ।

विस्फोटमा ठूलो क्षति भने नभएको प्रहरीको प्रारम्भिक आकलन छ । घरको पर्खालमा सामान्य क्षति पुगेको छ। घटनाको कुनै पनि पक्षले जिम्मेवारी लिएको छैन।