सिजे साह बचाउ अभियान : कर्मचारी र गाउँलेद्धारा ५१ हजार सहयोग

न्यूज ब्यूरो, जनकपुरधाम । मुटु रोगले ग्रसित धनुषाका सिजे साह बचाउ अभियानमा स्वास्थ्यचौकी कर्मचारी सहित गाउँ बासिन्दाहरुले आर्थिक सहयोग गरेको छ ।

धनुषाको मिथिला नगरपालिका वडा नं. ३ बस्ने सिजे साहलाई काठमान्डौंमा अस्पतालले अपरेशनको लागि ५ लाख रुपैयाँ माग गरेपछि उनका आमावुवा र श्रीमतिले बचाउको लागि गुहार लगाएको थियो ।

गरिब परिवार रहेको सिजे साहलाई अस्पतालले गरिबीको कारण १ लाख रुपैयाँ छुट दिने भएपछि ४ लाख रुपैयाँको लागि भौतारि रहँदा स्थानीयवासीहरुले पनि सहयोग गरेको छ ।

सोही क्रममा मिथिला नगरपालिका वडा नं. ३ हरिहरपुरका सम्पूर्ण गाउँवासी, पुष्पवलपुर स्वास्थ्य चौकीका कर्मचारी, हरिहरपुर स्वास्थ्य चौकीका कर्मचारीहरु मिलेर ५१ हजार १५ रुपैयाँ सहयोग गरेको हो ।

सहयोग राशी उनको आमावुवा प्रदान गर्दै कर्मचारी तथा अभियानीहरुले उनको बचाउको लागि चाहिने केही रकम अपुग भएको भन्दै शिघ्र सहयोगको लागि अपिल समेत गरेका छन् । रकम हस्तान्तरण गर्दै अभियानी मुकेश ठाकुरले न्यूज ब्यूरो टिमले यस अभियानलाई सक्दो सहयोग गरेको भन्दै धन्यवाद ज्ञापन गरे ।

सो क्रममा बोल्दै सिजे साह स्वयंमले उनको बोनम्यारोमा समस्या आएको कारण शरिरमा रगत नै नबनेको बताए । अस्पतालका चिकित्कले १४ दिनको लागि उनलाई घर पठाएको छ । बोनम्यारोमा आएको समस्याका कारण शरिरमा चाहिने जति रगत नबनेकोले अपरेशन गर्न समस्या भएको बताए ।

उनका बुवाले उनको बचाउको लागि अझै करिब १ लाख ५० हजार रुपैयाँ बढीको खाँचो औल्याए । यसअघि पनि विभिन्न संघसस्ँथाहरुले सिजे साह बचाउ अभियानमा आर्थिक सहयोग गरेको छ ।

हस्तान्तरण कार्यक्रममा सिजे बचाउ अभियानी मुकेश ठाकुर संघर्ष, राजु महतो, धर्मेन्द्र महतो लगायत कर्मचारी र स्थानीयसवासीहरुको रोहबर थियो ।