जनकपुरमा परिक्रमावासीलाई कुनै सुविधा छैन : यात्रीहरु

न्यूज ब्यूरो, जनकपुरधाम । मधेश–मिथिलाको महाकुम्भ मानिने १५ दिने परिक्रमाको धार्मिक लस्कर आज जनकपुर आईपुगेको छ ।

एका विहानैदेखि जनकपुर आएका परिक्रमाका हजारौ श्रद्धालुहरु विहानैदेखि असुविधाका कारण आक्रोसित भएका छन् । गाउँ स्तरमा सबै बासा (पडावस्थल) मा पानी, चर्पी, लाउडस्पीकरको व्यवस्था गरिएपनि जनकपुरमै आएर यस्तो कुनै सुविधा नदिएको भन्दै साधुसन्तहरु आक्रोसित भएका छन् ।

जनकपुरको बाह्रविघा मैदान, तिरहुतिया गाछी लगायत विभिन्न ठाउँमा बसेका परिक्रमाका धार्मिक यात्रीहरुले पानी, चर्पी सफाईको व्यवस्था समेत नभएको भनेर गुनासो गरेका छन् । उनीहरुले लाउडस्पीकर (एण्डको) को व्यवस्था समेत नगरेको भन्दै आक्रोस पोखेका छन् ।

यो भन्दा राम्रो त गाउँमा थियो । कोही हराउँदा, कसैलाई बोलाउनुपर्दा वा भेटनुपर्दा लाउडस्पीकर मा बोलाउन सकिन्थ्यो, तर जनकपुरमा त्यस्तो कुनै सुविधा दिएको छैन, आफन्त हराउँदा, विराउँदा कसरी बोलाउने, कसरी भेटने ? यहाँसम्म की पानीको पनि कतै व्यवस्था छैन ।”– यात्रीहरुले गुनासो पोखे ।

पानीको लागि समेत जनकपुरवासीको घरसम्म जानुपर्ने बाध्यता त्यस उपर सबैले घरभित्र पानी लिन छिर्न नदिएको भन्दै गुनासो पोखेका छन् । यस्तो अवस्थामा जनकपुरमा जागरुक युवा, समाजसेवी, नागरिक समाजका अगुवाहरुले तुरुन्त एक्सन लिनुपर्ने देखिएको छ ।