विवादित हँसपुर नगरपालिकाको विवाद साम्य, अधिकृत यादवको प्रसंशा

न्यूज ब्यूरो, जनकपुरधाम । स्थापनाकालदेखि नै विवादित रहेको धनुषाको हँसपुर नगरपालिकामा विवाद अन्ततः साम्य भएको छ ।

प्रमुख प्रशासकीय अधिकृतमा उमेश कुमार यादव गएपछि त्यहाँको विवाद साम्य पार्न सफल हुनुभएको छ । स्थापनाकालदेखि नै जनप्रतिनीधिहरुको बीचको विवादका कारण तहसनहस भएको हँसपुर नगरपालिकामा गएको दुई सातामै विवाद साम्प पारेपछि जनप्रतिनीधिहरुले पनि खुलेर प्रसंशा गर्नुभएको छ ।

शुक्रबार हँसपुर नगरपालिकामा सम्पन्न भएको हँसपुर नगरपालिकाको विशेष नगरसभामा असन्तुष्ट र छुटेका वडाहरुलाई समेत बजेटमा समावेश गरी जनप्रतिनीधिहरुबीचको मतभेदलाई साकारात्मक पारिएको छ ।

विशेष नगरसभामा बोल्दै नगरपालिकाका मेयर रामज्ञान मण्डलले दलगत विवाद भन्दा पनि जनताको चाहनालाई प्राथमिकता दिएर सबै जनप्रतिनीधि र राष्ट्रसेवक कर्मचारी मिलेर अगाडी बढनुपर्ने बताउनुभयो ।

उहाँले जनप्रतिनीधिहरु बीचको विवादलाई अधिकृत उमेश यादवले साम्प पारेको भन्दै प्रशंसा गर्दै आगामी दिनहरुमा पनि प्रशासनिक निकायबाट नियमित सहयोगको अपेक्षा गर्नुभयो । उहाँले वडाध्यक्ष, वडासदस्यहरुलाई जे जस्तो समस्या भए सिधा आफूसँग गुनासो राख्न आग्रह गर्नुभयो ।

“उमेश जी आउनुभयो , सुरु देखि नै उहाँले पुरानो विवादलाई मिलाउने सँकेत मैले देखिसकेको थिए । गत १९ गते नै आउनुभयो उहाँ, कमला नगरपालिकाको समेत जिम्मेवारी सम्हालेर दोहोरो जिम्मेवारीका बाबजुत पनि यहाँ जनप्रतिनीधिहरुबीचको अलमलतलाई प्रष्ट गर्नुभयो । र विकासको लागि अग्रसर हुनुपर्छ भनेर मनोभाव बनाउन सक्नुभयो । म धन्यवाद दिन चाहन्छु हाकिम साहब र लेखा अधिकृत जीलाई । अब राजनीतिक तवरले कुनै विवाद नहोस भन्ने कामन गर्दछु ।”– मेयर मण्डलले भन्नुभयो ।

सोही क्रममा विशेष नगरसभाको बजेट प्रस्तुतिकरण गर्दै उपमेयर रेणु देवी झाले आफूहरु यतिको दिनदेखि संधै पार्टी पार्टीको मानसिकताको कारण विवाद झन उग्र बनेको स्वीकार गर्नुभयो । उहाँले अब जनतालाई चाहिने विकासको लागि सबै जना एक जुट हुनुको विकल्प नरहेको बताउनुभयो ।

“अब हँसपुरको अधिकारिक जिम्मा हाम्रा हाकिम साहेब उमेश जीको हातमा छ । उहाँले प्रशासनिक कुरा कसरी मिलाउने, उपभोक्ताको भुक्तानी कसरी हुने, जनतालाई सहजता कसरी हुने र हामी जनप्रतिनीधिलाई सहजता कसरी हुने त्यो सबै जिम्मा उहाँ र लेखा अधिकृत आलम राईन जीको हातमा छ । यो नगरलाई कसरी सँचालन गर्ने प्रशासनिक रुपमा त्यो उहाँहरुको काँध छ । कैयौं आयो, कैयौं गए, तर उमेश जी आएको दिनदेखि नै हामीमा आसा पलायो , र प्रतिफल यही हो की विशेष नगर सभा बोलाएर छुटेका वडालाई पनि गाभ्न सफल भयो । म धन्यवाद दिन चाहन्छु उमेश जीलाई र सहयोग गर्ने जनप्रतिनीधिहरुलाई । ”– उहाँले भन्नुभयो ।

अधिकृत यादवले जनप्रतिनीधिहरुमा विकासप्रतिको जागरुकता र राजनीतिक दलभन्दा पनि एक जनप्रतिनीधि हो भनेर महसुस गराएको एक वडाध्यक्षले बताउनुभयो । उहाँले भन्नुभयो–“ उमेश जी ६ औं नम्बरको अधिकृत हुनुहुन्छ हँसपुर नगरपालिकामा । कसैले यो विवाद सुल्झाउन सक्नुभएन् । तर उहाँ आएको दुई हप्ता नबित्दै कुन जादु गर्नुभयो । जनप्रतिनीधि पनि खुसी छन् र जनता पनि ।”

विशेष नगरसभाको क्रममा सबै वडाका वडाध्यक्ष, वडासदस्यहरुले सुझाव सहित आ– आफ्ना मनतव्य राखेका थिए ।

सोही क्रममा बोल्दै अधिकृत यादवले जनप्रतिनीधिहरु बीचको विवादलाई साम्य पारेपनि निरन्तर सहयोग गरिए मात्र नगरपालिकाको भलो हुने बताउनुभयो । उहाँले आफू राष्ट्रसेवक कर्मचारी र प्रशासन मात्र हेर्ने बताउँदै जनप्रतिनीधिहरुको किचलोले पुनः नगरपालिकाको अवस्था बिग्रन सक्ने सँकेत गर्दै अब निरन्तर र नियमित सहयोग गरे केही दिनमै विकासको अनुभूति जनतलाई हुने दाबी गर्नुभयो ।

उहाँले असन्तुष्ट उपभोक्ता समिति, जनप्रतिनीधिहरुलाई कानुन बमोजिमका सबै कार्य तीव्र गतिमा गरी सन्तुष्ट पार्न आफू प्रयासरत रहेको बताउनुभयो ।

सो विशेष नगरसभामा लेखा अधिकृत आलम राईनले प्रशासनिक तर्फबाट प्रक्रिया पुगाएर ल्याउने सबै कागजात र फाईल उपर कारवाही हुने बताउनुभयो । उहाँले नियम विपरितका कार्यहरुलाई आफू अगाडी बढाउन नसक्ने बताउँदै स्थानीय तह सँचालन ऐन र कानुनन सबै कार्य अब तीव्र गतिमा सँचालनमा आउने प्रतिवद्धता जाहे गर्नुभयो ।

विशेष नगरसभामा सबै वडाका वडाध्यक्ष, वडासदस्य, नगरपालिकाका सम्पूर्ण कर्मचारी, सुरक्षाकर्मी, स्थानीय युवा, महिलाहरुको मोटो उपस्थिति रहेको थियो ।