नेकपा महासचिव मैनालीको अवस्था गम्भिर, हेलिकप्टरबाट काठमान्डौं लग्ने तयारी !

न्यूज ब्यूरो, जनकपुरधाम । नेकपा मालेका महासचिव सिपी मैनाली एक सवारी दुर्घटनामा गम्भिर घाईते हुनुभएको छ ।

पूर्व उपप्रधानमन्त्री सीपी मैनाली चढेको गाडी महोत्तरीको बर्दिवासमा दुर्घटना भएपछि उहाँको अवस्था गम्भिर भएको हो । वीपी राजमार्गस्थित महोत्तरीको बर्दिवास नगरपालिका वडा नं. ३ कालापानी स्थित दुर्घटना भएको प्रहरीले जनाएको छ ।

दुर्घटनामा परी महासचिव मनौलीका छोरा, बुहारी , नाती र चालक समेत गरी पाँच जना घाईते भएका छन् । झापाबाट काठमाडौं तर्फ जाँदै गरेको मनौलीसहित परिवार सवार रहेको बा ७ च २१२० नम्बरको कार र विपरीत दिशा तर्फबाट आउँदै गरेको ना ४ च ७६८० नम्बरको पिकअप एक आपसमा ठोकिएर दुर्घटना भएको हो ।

सो दुर्घटनामा परी मैनाली र उहाँको बुहारी गम्भिर घाईते हुनुभएको छ । मैनालीको टाउको र शरीरको अन्य भागमा गम्भिर चोट लागेको छ भने बुहारीको दुवै खुट्टा भाँचिएको डिएसपी चापागाईले जानकारी दिनुभयो ।

सोही दुर्घटनामा दुर्घटनामा परि मनौलीका छोरा ३० बर्षीय सरोज मैनाली, बुहारी पुजा ढुङ्गाना मैनाली, ५ बर्षीय नाती एन मैनाली र चालक रामप्रसाद पौडेल घाईते भएका छन् ।

यता, घाईतेहरुको बर्दिवासस्थित बर्दिवास जनसेवा हस्पिटलमा उपचार भईरहेको छ भने मैनालीलाई हेलिकप्टर मार्फत काठमान्डौं लैजाने तयारी भईरहेको जनाईको छ ।