जनकपुरमा वर्षा, परिक्रममा धार्मिक लस्करलाई विजोग !

न्यूज ब्यूरो, जनकपुरधाम । जनकपुरमा भर्खरै आकाश कालो हुँदै पानी पर्न सुरु भएको छ । दिउँसो करिब २ः३० बजेदेखि वर्षा सुरु भएको हो ।

मौसम पूर्वानुमान विभागले दिएको जानकारी अनुसार मौसममा खराबी रहने छ । आज मौसममा खरावी सहित भोलीसम्म मौसम सुधारको अवस्था न्यून रहेको जनाइएको छ ।

यता, मधेशको महाकुम्भ मानिने १५ दिने माध्यमिकी परिक्रममाका धार्मिक लस्करको विजोग भएको छ । आईतबारदेखि सुरु भएको परिक्रमको धार्मिक लस्करमा हजारौ श्रद्धालुहरु सहभागी भएका छन् ।

सोही क्रममा आज (मँगलबार) पानी परेपछि उनीहरुको विजोग भएको छ । यतिको श्रद्धालुलाई बर्षाबाट बच्नको लागि अन्य कुनै व्यवस्था भने परिक्रममा गरिएको छ्र्र्रैन । परिक्रमाको धार्मिक लस्कर आज भारतको गिरिजास्थानमा विश्राम गरिरहेको छ भने भोली विहानै नेपालको मटिहानीको लागि प्रस्थान गर्नेछ ।

धार्मिक लस्कर खुल्ला आकाशमुनी बर्षामा भिज्न बाध्य भएको छ । परापूर्वकालदेखि चल्दै आएको लाखौंको श्रद्धालु सहभागीको धार्मिक लस्कर एवम् नेपालकै सबभन्दा विशाल एवम लामो पदयात्रा मानिएको परिक्रमावासीको लागि प्रदेश सरकार वा स्थानीय सरकारले पनि कुनै विशेष व्यवस्था नगरेको देखिएको छ ।