सञ्चारमन्त्री गोकुल बाँसकोटा राजीनामा दिने

न्यूज ब्यूरो, जनकपुरधाम । सञ्चार तथा सूचना प्रविधिमन्त्री गोकुल बाँसकोटाले राजीनामा दिने भएको छ ।

शहरी विकासमन्त्रीको समेत जिम्मेवारी सम्हालेकामन्त्री बाँस्कोटाले घुसको लागि बार्गेनिँग गरिरहेको अडियो बाहिरीएपछि नैतिककताको आधारमा पनि राजीनामा दिने बुझिएको छ । सेक्युरिटी प्रिन्टिङ प्रेसको खरिदमा घुसमा बार्गेनिङ गरेको अडियो सार्वजनिक भएपछि उनले राजीनामा दिने भएका हुन् ।

अहिले काठमान्डौं बाहिर रहेका मन्त्री बाँसकोटाले काठमाडौं फर्किएलगत्तै राजीनामा दिनेबारे प्रधानमन्त्री केपी शर्मा ओलीलाई बताएको बुझिएको छ । यसअघि मन्त्री बाँसकोटाको बार्गेनिङग गरिरहेको अडियो बाहिर आएपछि नेपाली काँग्रेस, विवेकशिला साँझा पार्टी लगायतका राजनीतिक दलहरुले उनलाई राजीनामा दिनुपर्ने बताउँदै आएको छ ।

आज प्रधानमन्त्री केपी शर्मा ओलीसँग भएको उनको वार्तामा पनि उनलाई राजीनामा दिएर छानबिनमा सहयोग गर्न निर्देशन दिएको प्रधानमन्त्री ओलीको सचिवालयका एक सदस्यले बताए ।

मन्त्री बाँस्कोटाले सेक्युरिटी प्रिन्टिङमा स्वीस एजेन्ट बिजयप्रकाश मिश्रसँग बार्गेनिङ ७० करोड कमिसनको बार्गेनिङ भएकोे अडियो विभिन्न सञ्चार माध्यममार्फत सार्वजनिक भएको थियो ।

अडियोमा स्वीस कम्पनीलाई सेक्युरिटी प्रिन्टिङको ठेक्का दिदा ७० करोड आउने र त्यसको ७० प्रतिशत मन्त्रीको भागमा पर्ने , कम्पनीले पनि १५/१६ करोड राख्ने भन्ने जस्ता कुरा सार्बजनिक भएका थिए ।

---

सन्दर्भ समाग्री : टाईम्स नागरिक, ८ फाल्गुन २०७६, बिहीबार ११ः५६