नेपाल पसेका रोहिंग्या मुस्लिमलाई नेपाल छोडन यस्तो निर्देशन !

न्यूज ब्यूरो, काठमान्डौं । भारतको बाटो हुँदै नेपाल पसेका रोहिंग्या शरणार्थीलाई नेपाल छोड्न आदेश दिइएको छ ।

म्यानमारबाट लखेटिएपछि नेपाल आएर काभ्रेको पनौतीस्थित कुशादेवीमा अस्थायी टहरा बनाई बसेका रोहिंग्या शरणार्थीलाई जग्गा छोड्न धनीले ७ दिनको समय सीमा तोकेका छन् ।

मंसिर १० गते कुशादेवी झरेका उनीहरुले २३ परिवारका लागि छुट्टाछुट्टै टहरा बनाए पनि जग्गाधनी सत्यराम थापाले हट्न निर्देशन दिनु भएको हो । आफुहरुलाई शरणार्थी हुन् भन्ने आएको ३ दिनपछि मात्रै थाहा भएको उहाँले जानकारी दिनुभयो ।

काम गर्न अनुमति नभएको र नेपालले शरणार्थी स्वीकार नगरेको थाहा पाएपछि हट्न भनिएको हो । त्रिवीका एक प्राध्यापकमार्फत रोहिंग्याहरु सत्यरामको सम्पर्कमा पुगेका थिए ।

खाली रहेको जग्गा भाडामा लगेर पैसा आउने भएपछि बस्न अनुमति दिएको उनीहरुले स्पष्ट पारेका छन् । रोहिंग्याका टोली नेता महोम्मद युसुफले टहरा निर्माणको लागि ६ लाखभन्दा बढी खर्च भइसकेको भन्दै बस्ने अर्को विकल्प पनि नभएको बताए ।

---

सन्दर्भ समाग्रीः जनबोलीडटकम