सप्तरीका एक युवकको भारतमा गोली हानी हत्या !

न्यूज ब्यूरो, जनकपुरधाम । प्रदेश नं. २ को सप्तरीका एक युवकको भारतमा गोली हानी हत्या गरिएको रहस्य बाहिर आएको छ ।

लुटेरा समूहले चलाएको गोली लागेर सप्तरीको बोदे बरसाईन नगरपालिका वडा नम्बर– ५ जाँजरका एक युवकको हत्या गरिएको जनाइएका छ । हत्या हुनेमा डम्बर यादव रहेको एक स्थानीयले बताए । यस सन्दर्भमा जिल्ला प्रहरी कार्यालय सप्तरीले कुनै घटना नभएको बताएको ।

स्थानीयका अनुसार, बुधबार साँझ डम्बरको लास (शव) आएपछि मात्र हत्या भएको खवर फैलिएको हो । भारतको झन्झारपुरबाट समान खरिद गरेर घर फर्किने उनको हत्या भएको बताइएको छ । यद्यपी यस बारे जिल्ला प्रहरी कार्यालय सप्तरीले नेपाल क्षेत्रमा यस्तो कुनै घटना नभएको तथा त्यो घटना भारत क्षेत्रमा भएको हुन सक्ने बताएको छ ।

स्कोरपियोमा फर्किने क्रममा यादवमाथि गोली प्रहार भएको जनाइएको छ । मोटरसाईकलमा सवार रहेका लुटेरा समुहले पछाडिबाट गाडी रोक्न भन्दा नरोकेपछि चालक यादवमाथि गोली प्रहार गरि फरार भएको बताईएको छ ।

यादवसँगै स्कोरपियोमा सवार बोदेबरसाईन नगरपालिका वडा नम्बर ८ काचनका सुरेन्द्र यादव र सोही ठाउँका अनिलकुमार यादव सकुशल रहेको स्थानीय उमेश साहले जानकारी दिएका छन् ।

जिल्ला प्रहरी कार्यालय सप्तरीका अनुसार, यस विषयमा खोजविन गर्दा नेपाल क्षेत्रमा कुनै यस्तो घटना नभएको प्रतिक्रिया दिएको छ ।