सिरहामा बालविवाहमा कडाई, एकैदिन ३ विवाह रोकियो

न्यूज ब्यूरो, सिरहा । सिरहा प्रहरीले बालविवाहमा कडाई गरेको छ ।

प्रहरीले एकैदिनमा तीन जोडी बालविवाह रोकेको छ । इलाका प्रहरी कार्यालय मिर्चैयाले विवाहको तयारीमा रहेको तीन जोडी बालविवाह रोकेको हो ।

सिरहाको कर्जन्हा नगरपालिका–६ वेतकाका रिझान मुखियाकी १५ वर्षीया छोरी रन्जुको र कल्याणपुर नगरपालिका–१ अर्नमाका रामनरेश माझीकी १७ वर्षीया छोरी गणिता माझिको महोत्तरीमा हुन लागेको विवाह प्रहरीले रोकेको छ ।

त्यसैगरी विवाहको तयारी भइरहेको अवस्थामा मिर्चैया नगरपालिका–५ का बेहरा मण्डललकी छोरीको विवाह पनि प्रहरीले रोकेको सिरहा प्रहरीले जनाएको छ । बालविवाह हुन लागेको विशेष सूचनाको आधारमा प्रहरी पुगेर उनीहरुको विवाह रोकेको हो ।

प्रहरीले उनीहरुको अभिभावलाई बालविवाह काननीरुपमा अपराध भएको र बालविवाह गराए कानुनी कारबाही हुने जनाएपछि बालविवाह नगर्ने नगराउने विषयमा सहमत भएको प्रहरीले जनाएको छ । बालविवाह बारे सूचना पाए खवर गर्न प्रहरीले अनुरोध पनि गरेको छ ।