झारफुकको बहानामा किशोरीमाथि बलात्कार, धामी पक्राउ

न्यूज ब्यूरो, कैलाली । भारफुकको बहानामा किशोरीमाथि बलात्कार गरेको आरोपमा कैलालीमा एकजना पक्राउ परेका छन् ।

कैलालीको घोडाघोडी नगरपालिका–१, सुखडबाट हिम्मतपुरका ४५ वर्षीय हरिप्रसाद डगौरा पक्राउ परेका हुन् । बिरामी युवतीलाई झारफुक गर्ने बहानामा बलात्कार गरेको अभियोगमा डगौरालाई परेको जिल्ला प्रहरी कार्यालय, कैलालीका प्रवक्ता प्रहरी नायव उपरीक्षक दक्ष बस्नेतले जानकारी दिए ।

प्रहरी नायब उपरीक्षक बस्नेतका अनुसार, आँखामा समस्या समाधानका लागि झारफुक गर्न गएको आफूलाई डगौराले मन्दिरमा नरिवल चढाउने बहानामा घोडाघोडी तालक्षेत्रको जंगलमा लगेर बलात्कार गरेको बताएकी छन् । माघ २१ गते किशोरी बलात्कृत भए पनि ढिलो गरी जानकारी आएकाले डगौरालाई शुक्रबार मात्रै नियन्त्रणमा लिएको प्रहरीले जनाएको छ ।

पक्राउ परेका डगौरालाई अहिले जिल्ला प्रहरी कार्यालय, कैलालीमा राखिएको छ ।